Verscheyden bruyloft dichten ende liedekens ghedicht ende gecomponeert by verscheyden gheesten

Melpomene.

Dat sevenste Liedt: Op de Wyse.

Schoon lief wilt my troost gheven.

TIs noch gheen tijt van scheyden
Men moet noch langher beyden,
Die Bruydt is noch present,
Tspul sal noch eerst beginnen,
Apollo slacht met sinnen,
Op snaren diligent.

Elck een sedt hem aen't springhen,

Om vreuchde voort te bringhen,
T'is noch gheen tijt van gaen,
Die Bruydt moet eerst besyden
Dus wilt u doch verblyden
Elck maeck hem op de baen.

Comt Hymen blijdt van gheeste

Spoet u tot dese feeste,
Haest u niet lang en toeft,
Verlicht der gasten herten
Van droefheyt en van smerten,
Laet niemant zijn bedroeft.