Verscheyden bruyloft dichten ende liedekens ghedicht ende gecomponeert by verscheyden gheesten

Thalia.

Het derde Liedt: Op de Wijse.

Vluchtighe Nymphe.

BRuydegom ghy sijt eere weerdt,
Dat ghy sulck een hebt begheert,
Die u lyden,
Kan verblijden,
Die der minnen brandt uytblust,
Als ghy in haer armen rust.

Minnelijck is sy van aenschijn,

Blinckend' als de Sonne schijn,
Fray van leden,
Soet in reden,
Twist tweedracht heeft sy ghemijdt,
Deucht bemint tot allen tijdt.

Lieffelijck is sy t'aller stondt,

Fray van wanghen, roortvan mondt,
Goed' manieren,
Haer vercieren,
In reyne liefd' haer doch aencleeft
Soo lang als ghy op aerden leeft.