Verscheyden bruyloft dichten ende liedekens ghedicht ende gecomponeert by verscheyden gheesten

[p. 29]

Calliope,

Het eerste Liedt: Op de Wijse.

Mijn ooghskens weenen, &c.

GHeluck u allen, voorspoet en vrede,
Die hier versamelen tot desen feest,
Die hier versamelen op dese stede,
Om bruyloft t'houden met blyden gheest,

Wilt vrolijc wesen laet droefheyt varen,

Handelt van vreuchde niet van verdriet,
Singt nieuwe lieden en speelt op snaren,
T'is t'uwen besten, al wat ghy siet.

Lust u ghesoden, lust u gebraden,

Lust u te drincken, tsy bier ofte wijn,
Oft lust u taerten, oft lust u vladen,
Men salt u langhen, wilt vrolijck zijn.

Bruydgom een beker moet gy uyt drincken,

Laet die om wandelen by man en vrou,
Oft hebt ghy hoornen laet die vol schincken,
Laet u dan helpen u bruyt ghetrou.