Geloofs-liederen, dat is de Heidelbergsche ende Nederlantsche catechismus

XLII. Sondagh.

[fol. D1r]

Op de Wijse van den 100. Psalm. Of Al hebben de Princen haren wensch &c.

Aldaer verbiet de Godt der Goon
Dat grove steelen niet alleen,
Dat d’Overheyt straft in’t gemeen,

2 Maer oock, die snoode Dievery,

En die subtijle linckerny,
Waer door men onder schijn van recht,
Sijns even-naestens goet bevecht,

3 En, ’t sy door munt en valsche maet,

Of woecker, zijne klauwen slaet
In’t geen’ daer aen men niet en heeft,
En daer ons even mensch af leeft:

4 Daer toe oock alle gierigheyt,

Waer door de mensch seer wert verleyt;
Beneven ’t misbruyck van dat goet
Daer door het Lichaem wert gevoet.

Dat, waer ick immer mach of kan,
(Alwaer ’t oock in den verdtsten hoeck)
Ick ’s naesten nut en voordeel soeck,

6 En doe met hem, gelijck ick wouw

Dat yder een aen my doen souw;
En trouwlick arbey nacht en dagh,
Op dat ick d’ Arm’ oock helpen mach.