Geloofs-liederen, dat is de Heidelbergsche ende Nederlantsche catechismus
(1666)–Volkerus van Oosterwyck–
Auteursrechtvrij
108. Vraghe.
1 Wat leert ons ’t Sevende Gebodt? Antvvoorde. Dat Godt vervloeckt het Hoere-kot,
En alle, die in daet en schijn,
De heyl’ge kuysheyt vyant zijn;
Soo dat men kuyschelijck hem schick,
Soo in, als buyten ’t Huwelick.
| |
109. Vraghe.
2 Verbiet Godt dan al hier niet meer Als dat men ’t Huw’lick werpt om veer, En breeckt alsoo dien heyl’gen bant, Of pleegt een diergelijcke schandt, Hoedanigh die oock wesen mocht Daer toe de Sathan ons versocht? Antvvoorde.
3 Dewijl ons lijf en onsen geest
Een tempel zijn van d’ Heyl’ge Geest,
Soo wil hy, dat wy in den treyn
Van onsen wandel, kuys en reyn,
En suyver zijn, gelijck ’t betaemt
Dien, die Gods tempels zijn genaemt’
4 Waerom hy oock in tegendeel
Verbiet, en doemt in het geheel,
Onkuysche woorden, wercken, praet,
Gedachten, lusten, en gelaet,
En wat (wie ’t is) of Vrouw of Man,
Daer toe in ’t minste trecken kan.
|
|