Salomon

[fol. *4r]

Ad virvm clariss. Gvilielm. de Nievwe-landt poetam Belgicvm Michaelis Fabri votvm et plavsvs.

Olim vetustas dum studiosius
Parrhasianae facta stupet manus,
Leui solennes penicillo
Attribuit cupiens honores.

Sic tu dilecte Attalico Duci

Thebane pictor, dignaque praemia
Centumque largè Euboicorum
Pro tabulà recipis talenta.

Non hic supinus in tenui labor

Facet, Bularchi gratia non leuis,
Cimonque tantae cedet arti,
Nicomacho procul exulante.

Maiora restant, nempe scientia

Candens pijropis nobilioribus,
Summisque florentem cothurnis

Palladium ducit ecce partum.

Cernis Patronum Mercurialium
Anuersa? Cerius grande decus tuum?
Cui suada submittens habenas
Cecropiam reserat palaestram.

En albicanti condita calculo

Intaminate praemia dexterae

[fol. *4v]

 

Et inuidendas vel Camillis

 

Diuitias animi potentis.

 

Huc huc relicto non properat iugo

 

Non indecoro syrmante nobilis

 

Et ipse tibiam obligatam

 

Delius ex humeris resoluit.

 

Terentianus cedat, & Accius

 

Nec non PacuI Musa facundior.

 

Andaeus ipse, furiusque,

 

Euripides, Sophoclesque cedant.

 

Praeclara Regis munera pensiles

 

Testantur aures, ordine quam bono

 

Certoque non certas procellas

 

Musa tuo redhibere in actu.

 

Te dirigente nouerit: O decus!

 

O ingenI spectatat potentia!

 

Superque Romanas superque

 

Argolicas volitans Camaenas.

 

Quid Fama pennas sumere pristinas

 

Cessas? Licebit nubibus obsitas

 

Nunc ire in oras iam licebit

 

Mente nouâ per mane ferri.

 

O quam fugaci remigio nitet,

 

Cum fonte rursus proluitur suo,

 

Tantamque gloriam retractans

 

Corda nouo mouet icta sensu.

 

Vt findit altum plumiger aethera

 

Delator! Euge dum tibi suppetat

 

Haec aura, contemnes Gelonos,

 

Et Schyticas animosa niues

[fol. **1r]

 

Transcende: votis candidioribus

 

Famam vocaui; non capitolia,

 

Non Andouerpâ te recludet

 

Non Pharium Latiumque solum.

 

Te Dacus, & qui sanguine concauus

 

Gaudens equino, qui ferus hospiti,

 

Noscet Britannus, te peritus

 

Belga canet Rhodanique potor.

 

Nec his recludi gloria terminis

 

Nieulande gestit: terra tuo Noua

 

Erit decori, nomen ipsum

 

Terra ah! Ades noua terra clamat.

 

Sic cresce virtute, ô decus artium!

 

Virtute cresce! Sauromatas super

 

Indosque fulgens; quaere, numquam

 

Quae refluo patuere fluxu.

 

Verua renatis semper honoribus

 

Linquens perennis nomina gloriae,

 

Quae nec vetustas, nec furenti

 

Dissipet Hyppotades procellâ.