Gheestelycke plantaige van gheestelijcke op-climmende boomen

(1675)–Joannes Mys– rechtenstatus



[pagina 163]
[Ryst u op van slaep vriendinne] Op de Wijse: Philis quam philander teghen, Of Herderinne wilde mede. 1. Ryst u op van slaep vriendinne Doet van stonden aen u cleedt, Compt by ons met blyden zinne, Maeckt u weerdich en bereedt, Om t'aenveerden eenen Mey, Ons ghejont in dees contrey. 2. Desen Mey die moetmen loven, Boven alle Meyen schoon; Want hy gaet die al te boven Midts dat Godt den Voeders soon,
[pagina 164]
Onser al verlosser fris Daer aen eens ghestorven is. 3. T'was voorwaer een bitter lyden T'ghen' dat hy aen t'Cruys verdroech, Als nu hem naeghels (sonder vermyden) Door handen en voeten sloech, En syn bust tot meerder leet Met een Lance open reet. 4. Niet te min met een verlanghen, Door syn liefd' hier toe verweckt, Heeft hy aen t'Cruys willen hanghen Met syn ermen uyt-ghereckt, Om den mensche te ontfaen Die met sonden was ghelaen.
[pagina 165]
5. Haest u dan wilt u verneren Compt siet desen Mey-boom aen, Wilt hier op wel contempleren Dinckt wat Godt u heeft ghedaen, Als hy stierf aen t'hout des Cruys Voor de sonden en mefuys. 4. Door dees doodt te overdincken Sult ghy dus ghetrocken syn, Dat ghy heel u hert sult schincken Aen dat Goddelijck aenschijn Dat u met syn dierbaer bloet Heeft verlost, en mevoeyt.
[pagina 166]
7. Orlof doet u ermen open En daer me den Mey ontfanght, Hebt daer in betrouw' en hopen T'is Godts soon die daer aen hanght, In ghelijckenis vertoont Voor ons door:wondt en ghecroont.