Gheestelycke plantaige van gheestelijcke op-climmende boomen

[p. 157]

[Compt Maghet reyn, weerdich al om gepresen]

Op de wyse:
Wel weest gheloft hemelsche Coninginne.

1.

Compt Maghet reyn, weerdich al om gepresen
Compt voor den dach wilt met ons blyde wesen:
Daer is als nu ghevonden hier
Den Mey dat Cruys van Christus goedertier.

2.

Is desen Mey ons mildelick ghegeven,

Wy moeten doen, dat hy hier wort verheven:
Hy dient voorwaer van ydel wel verschoont,
En met cieraet, en blommekens ghecroont.

[p. 158]

 

3.

 

Tot desen eyndt zietmen aen alle wijcken

 

De cruydekens fray uyt de aerde kycken,

 

De boomen al die gheven blaeders groen

 

Om soo dit Cruys al eere aen te doen.

 

4.

 

Hy heeft gheluck die desen Mey can vinden,

 

Want hy heeft dat men can door hem verslinden,

 

Al dat ons pijnt, droevich maeckt en smert,

 

Als men hem plant in't binnenste van t'hert.

 

5.

 

Maer men meot hem, al sonder te verflauwen

 

In t'sherten grondt ghedurich onder-hauwen,

 

En wel met mest der liefden Godts voorsien

 

En oock van hem, het quaede cruyt uyt wien.

[p. 159]

 

6.

 

Orlof nu dan, wilt hier in obedieren

 

compt compt by ons, helpt me den Mey vercieren,

 

En of het u, een luttel moeyte cost,

 

T'is voor het Cruys, daer wy me syn verlost.