Gheestelycke plantaige van gheestelijcke op-climmende boomen
(1675)–Joannes Mys–
Auteursrechtvrij
[pagina 79]
| |
Seer swaer moedelick versucht
Om dat ghy hier waert ghevlucht:
En hoe menich dach en nachten
Heb ick u al om staen wachten
En ghevraeght seer onvervaert
Aen u waekers waer ghy waert!
2.
Wat ick vraeghde van hunlieden
Sy en gaeven gheen bedieden,
Aen my, waert ghy waert ghegaen;
Maer sy lieten my soo staen-
K'reegh hier in ghelijck vernoeyen
t'Scheen d'ack gingh' ghelaen met boeyen,
K'voeghde my aen eenen cant
Daer ick my alleene vant.
| |
[pagina 80]
| |
3.
K'docht ick sal alleen gaen leven
En gheen schepsels meer aencleven,
Of ick u by avontuer
Beter vonde t'eender ur'
K'docht oft ghy u hadt ghedoken
Om dat ick had' aenghesproken,
En bemint de schepsels meer
Dan dat toe laet uwe eer.
4.
D'eenigheyt nu in ghetreden
Als ick stondt in mijn ghebeden,
Met mijn hert tot u heel bloot
Quaemt ghy my in mijnen schoot:
Soo dat ick u met verlanghen
In mijn arems u moet pranghen,
| |
[pagina 81]
| |
Aenghesien dat ghy soo vry
V presenti' doet aen my.
5.
Wie sal my van u nu scheyden,
Wie sal my naer t'neder leyden
Als het hert van u en mijn
Dusdaenigh vereenicht syn?
Geen vyandt so gheslaeghen
Die my hier van u sal jaeghen
K'ben als nu genoech versterckt
Nu u liefd' in my so werckt.
6.
Lof o alderliefst' beminden
Nu ghy hebt u laeten vinden
Nu ons liefd' ons t'saemen vlecht
Mach ick nu wel segghen recht:
| |
[pagina 82]
| |
Dat ick ben ter deser stonden
Van t'verganckelick ontbonden,
En gheheel by u ghevoeght
Met ghenoeght boven ghenoecht.
|
|