Gheestelycke plantaige van gheestelijcke op-climmende boomen

[p. 75]

Sy wilt op staen en hem al om gaen soecken:

Stemme.
Schoon Herderin.

1.

O liefsten Heer
Het heeft my aen soo seer
Dat ick als noch u heb' ghesocht
Door der zinnen leer
In mijn beddeken seer socht;
Maer heden, de reden, die leert aen mijn
U rusten, in lusten, niet vindich te syn.

[p. 76]

 

Ghy neemt u rust

 

In eene ziel wiens lust

 

Alleenelijck naer s'Hemels staet,

 

Die naer u soo dust

 

Is u als een honigh-raet

 

U ooghen vertooghen, hun aen sulcke claer

 

En ghye, seer blye, comt inwoonen daer.

 

3.

 

Dit ziende aen

 

So wil ick op gaen staen,

 

En u veel beter soecken hier:

 

K'sal de stadt om gaen

 

Elcke straet in elck quartier,

 

De wijcken, door kijcken, al sonder respijt

 

En d'hoecken, door-soecken, of ghy daer syt.

[p. 77]

 

4.

 

De stadt die ick

 

Wil om-gaen neerstelijck,

 

Dat is mijn hert, vol van u min,

 

T'allen ooghenblick

 

Wensch' ick altijdt u daer in:

 

De straeten, wilt vaeten, syn wenschen tot u

 

Goe wercken, wilt mercken, naem'ick wijcken nu.

 

5.

 

Had' ick hier bet,

 

Mijn hert op u ghesedt;

 

Had' ick door deucht tot u ghetracht;

 

Had' ick hier t'ghebedt

 

Meer ghebruyckt dach ende nacht,

 

K'en hadde, met schaede, hier niet moet syn

 

Noch leven, al sneven, ghedurich in pijn.

[p. 78]

 

6.

 

Lof hooghste goet

 

Compt stelt u op den voet,

 

Al heb ick u ghesocht seer flauw:

 

Ick hernem' den moet

 

Om te soecken u seer gauw,

 

Compt stillich, goet-willich, en wilt u toch niet

 

Ontvinden, beminden, maeckt datmen u siet.