Gheestelycke plantaige van gheestelijcke op-climmende boomen

[p. 68]

Inwendich hem beminnende, soeckt hem te sien als haeren Broeder suyghende de borsten van haer Moeder: Stemme.

Philis pour oppaiser, mon amoureuse flame.

1.

O Jesus goedertier
Hoe soet is uwe minne!
Alle goet heeft sy inne
Met volherdich plaisier;
K'hebt waerheden gevonden
Wien ghy wat liefde gheeft,
Dat dusdaenich t'allen stonden
U lanx om liever heeft.

2.

Men can nerghens voorwaer:

Gheen beter liefde vinden,

[p. 69]

 

Sy can s'Hemels hier binden

 

Aen ons herte, t'is claer,

 

S'heeft alleen het vermoghen

 

Dat sy om hooghe treckt

 

Al het gen' dat licht gheboghen

 

Of dat neer licht ghestreckt.

 

3.

 

Dit heb' ick wel ghesmaeckt

 

Inwendich in't ghevoelen,

 

Hoe mijn herte ginck woelen

 

Alst van u wiert gheraeckt:

 

K'lagh hier neder gheslaeghen

 

Eer dat ghy by my quaemt,

 

Nu so wort mijn hert ghedraeghen

 

Tot u, oft waer ghepraemt.

[p. 70]

 

Al weet ick dit gheschien

 

K'en ben noch niet te vreden;

 

Al sien ick u naer reden

 

K'wil u noch anders sien;

 

K'saegh' u ghern mijn Broeder

 

Uyt:wendich in't ghezicht,

 

Aen borsten van mijn Moeder

 

Als een seer cleynen wicht.

 

5.

 

Mocht dit gheschien aen my

 

Hoe soud' ick met verlanghen,

 

In mijn aerms u pranghen

 

Metter herten seer bly!

 

Jae al sonder traeghen

 

Dat ick u vond aldus

[p. 71]

 

Al waert dat de lieden saeghen

 

Ick gaef u menich cus.

 

6.

 

Lof die mijn hert bemint

 

Wilt mijn begheerte blussen,

 

Mijn omhels, en mijn kussen

 

Doen ick, als kindt aen kindt:

 

Niemandt en sal dit houwen

 

Dan voor een Hemels werck,

 

Daerom compt met goet betrouwen

 

Tot my, al in dit perck.

FINIS