Gheestelycke plantaige van gheestelijcke op-climmende boomen

[p. 65]

Sy soeckt van Godt ghetrocken te syn uyt het slijck der aerden, om tot de deught te loopen.

Stemme.
Me doutes plus adorable baute.
Oft waeckende Herderkens hoort naer mijn stem.

1.

O liefsten Godt die so naer trachtigh syt!
Treckt my naer u t'is tijdt,
Ick ligh'hier neer ghevelt in het publijck
Op aerderijck, al in het werelts slijck;
Ick ben hier in belaen
K'en can niet rechte staen.
Om tot de deught te gaen.

[p. 66]

 

Gheeft my u rechter handt, of treckt my voort

 

Met een hemelsche coord',

 

Treckt my al met een snoer van uwe min,

 

Met blijden sin der deughden baenen in,

 

Ick sal met mijn ghemoet

 

Al om (o eeuwich goet)

 

U volghen metter spoet.

 

3.

 

Al ligh' ick hier so swaer, seer boven maet,

 

In desen mijnen staet;

 

G'en moet daerom van my niet willen vlien

 

Maer naer my sien, en onderstant oock bien:

 

Al ben ick hier in't velt

 

Ondeughdich dus ghevelt

 

Tot deught mijn herte heldt.

[p. 67]

 

4.

 

Als ghy een herteken hier dus bevindt

 

Gheheel tot deught ghesindt;

 

En dat van u ghetrocken hier wilt syn,

 

Gheloof het mijn, ten doet u sulck gheen pijn:

 

Goe gheerte die verlicht,

 

Veel swaerheyde en ghewicht;

 

In't s'menschens hert ghesticht.

 

5.

 

Lof Godt nu ghy my ziet van goede wil

 

Treckt my naer u al stil,

 

Ick sal u loopen naer sonder ghetreur

 

K'sal doen den speur, op uwen soeten gheur

 

Van u bermherticheydt;

 

Toont die aen my plantheydt

 

Tot mijnder salicheydt.