Gheestelycke plantaige van gheestelijcke op-climmende boomen

[p. 49]

Sy gaet inden waeghen der deught, sonder profyt en bidt om hulpe van dien.

Stemme.
Object don le charmes & doux.

1.

O Schepper verheven o heer?
Hoe traegh' in deught leef ick mijn daegen?
Ick blyf in dees ganghen foo teer.
Een rollen waeghen blyft my draeghen;
Ick heb hier foo langh' inghegaen
Sonder voortganck t'ontfaen      Bis
Al in der deughden baen.

[p. 50]

 

2.

 

Mijn voeten seer arm ghestelt

 

Volghen de rollekens die drayen;

 

Al waer dat mijn lichaem hier helt

 

Den Gheest die wilt oock derrewaerts hayen;

 

Ick gaen hier als eenen cleyn wicht

 

Dier al volght op syn plicht      Bis

 

T'ghen dat het heeft int sicht.

 

3.

 

Wat helpt my dat ick ben op wech

 

Om in der deughts wegh te gaene;

 

Als ick hier mijn hert niet en legh',

 

Gheheel recht op der deughden baene?

 

T'wilt altijdt gheneghentheydt bien

 

Om t'gheschaepen te sien      Bis

 

Datmen seer haest siet vlien.

[p. 51]

 

4.

 

Ghemerckt dat ik blyve soo cleyn,

 

Onnut, om naer de deught te trachten;

 

En laet my niet ganghen alleyn

 

Maer wilt my gaede slaen en wachten:

 

Doet my als een moeder haer kindt

 

Als sy t'hertelijck mint      Bis

 

Niet langh' sy t'self ontvindt.

 

5.

 

T'is voor my wel droevigh een saeck,

 

Dat ick sulck leven hier moet leyden

 

Mijn ganghen nimmermeer staeck,

 

En noch blijft deught, van my ghescheyden:

 

Dat ghy my hier claerelijck boodt

 

U ghesichte heel bloot      Bis

 

Ten waer van gheenen noodt.

[p. 52]

 

6.

 

Lof Goddelijck wesen seer soet

 

Laet u ghesicht op t'mijne blincken,

 

Als ghy dees presenti my doet

 

Wilt my oock met u handen wincken:

 

Op dat ick door sulck een aen-merck

 

In het deughdelijck werck      Bis

 

Lancx om meer worde sterck.