Gheestelycke plantaige van gheestelijcke op-climmende boomen

[p. 37]

Sy woude wel dat jeder wys waere en het alderuyterste aansaeghe.

Stemme.
Geluckigh is den mensch.

1.

O Mensch hoe can het syn,
Hoe can't u hert ghedooghen?
Dat ghy op dit termijn
Niet insiet met u ooghen
T'seer schrickelijcke quaet
Dat eens te naecken staet
Voor alle u misdaet.

2.

U Ziel moet syn ghevoert

[p. 38]

 

Tot t'quaet dat staet te naecken,

 

Ghelijck men is beroert

 

Int t'quaet datmen siet smaecken:

 

Die alle quaet insiet

 

Hy maeckt of dat het vliet

 

Of nimmermeer gheschiet.

 

3.

 

Meynt ghy hier onbelaen

 

U selven toe ge gheven,

 

Dat ghy op dese baen

 

In eeuwicheydt sullen leven?

 

Neen, neen gh'en hebt gheen noodt

 

T'moet al, t'sy cleyn of groot

 

Smaecken de bitter doodt.

 

4.

 

Als t'leven is ghe-endt

[p. 39]

 

Terstont soo moet ghy commen

 

Ghetuyghen pertinent

 

U selfs guaet met verschrommen;

 

En Godt met straffe mijn'

 

Sal daer af Rechter syn

 

Tot eeuwelijcke pijn.

 

5.

 

Lof mensch eert wordt te laet

 

Hout u verstandt verheven

 

Insiet des oordeels staet,

 

Die syn sal naer dit leven;

 

T'sal daer soo scherp aengaen

 

Naer dat ghy hebt ghedaen

 

Sult ghy dan loon ontfaen.

FINIS

[p. 40]