Op 'e literaire toer

[p. 7]

Iere fersen

[p. 9]

290121137

De man sykhellet ûnbiwust
en it haloazje op de man tikket
rêd troch - hwant
it is him net sein om op to hâlden.
Sadré 't hja hjitte sille
om op to hâlden mei libjen
stiet it stil.

[p. 10]

 

Hommels

 

fljocht in mich

 

drok en gysten om 'e holle

 

fan in man

 

fljocht er

 

drok

 

fuort

 

dit is o sa wichtich

 

hwant

 

HY HAT IN MINSKE UNTDUTSEN

 

en nou moat er

 

alles

 

ûnthâlde

 

alles

 

hwat er sjocht

 

dan fljocht er

 

wer fuort

 

 

 

koart dêrop

 

komt in oaren

 

al sa gysten

 

dit is nammentlik

 

o sa wichtich, hwant

 

HY HAT IN MINSKE UNTDUTSEN

[p. 11]

 

En op in hele fredige simmerjoun

 

- kompleet mei ljurken en

 

ûndergeande sinne -

 

sil it ûnk de wrâld wer bisette.

 

Skreauwende sergeanten-majoar sille

 

grauwe kompagnyen nei rjochts rjochtsje

 

litte en nei de dea ta ôfmarsjeare,

 

en rounom dêr't se lâns komme

 

sil de ierde omploegd wurde

 

fan auto's en tanks en bren-carriers

 

en sille de teare wyljenblêdden

 

trilje ûnder de bolderjende exploasjes

 

fan swiere mortiergranaten en 6 TP.

 

Dan sille de earnstige, bleke manskippen

 

har swijend weistopje yn 'e stille ierde

 

en ûnder de helm wei jitris oer de blau-

 

grisaille sylhouetten sjen

 

oant in lytse granaetsplinter

 

harren hammerjende earen rêst jaen sil.

 

(simmer 1954)