Den Aenghenaemen rooselaer geplant in den hof van den heylighen vader Dominicus

Een ander Kers-Liedeken.

Stemme: Troupe triumphante. (oft) Anno sesthien hondert.

ACh wat groote vreughden zijn te Bethlehem
d'Engelen die singhen met haer schoone stem,
Dat Messias is gheboren, die men vint
In de doecken, wilt dan soecken dit soet Kint.

Siet den stercken Sampson, die ghebroken heeft

Al de helsche poorten, en ons vrede gheeft,
Comt toch alle volcken, maeckt vreught en joleyt,
Wilt vereeren, uwen Heere, die hier leyt.

[p. 127]

 

Presenteert u herte hem tot een present,

 

Die is af-ghebeldt by 't kopere serpent,

 

Dat seer hoogh verheven wiert in de woestijn;

 

Want sijn wesen, sal ghenesen, al u pijn.

 

Comt en valt dan neder met heel diep ootmoet

 

Als voor den Een-horen eene Naghet doet,

 

Soo sult ghy ontfanghen oock in uwen schoot

 

Met verblijden, dese tijden, 't Hemels broot.

 

't Manna is gheregent voor den Israeliet,

 

Dat maer een figuer was van die men hier siet

 

In het vleesch verschijnen nu naer onsen wensch,

 

Om te geven, d'eeuwigh leven, aen den mensch.

EYNDE.