Geestelijke minnevlammen

[p. X]

In Satyram 13. Juvenalis, ejusdem Opera Batavè loquentem.

QUI modò vertebas Salomonis Cantica sancti,

A Salomone tuo digne, Poëta, cani;

Quimodò vertebas Salomonis scripta Parentis,

Digne cani gnati carmine, digne Patris;

Ut juxta numeros ad sacra, profana, Paratos,

Expromptos, faciles, mi Merovinge, probes;

Ex Juvenale tuo Satyram quoque vertere juvit,

Flectere & in Batavos verba Latina modos.

Patria te testor, si tam bene cuncta, Latinis

Dicta modis, Batavo carmine versa forent,

Non operae pretium foret impallescere chartis,

Et Romana avidâ volvere scripta manu;

Omnia si Belgis Merovingus versa dedisset,

Fecissetque tua singula voce loqui,

Nemo foris nemo doctrinam quaereret; illam

Maternâ linguâ posset habere domi.

HENR. BRVNO.