Van twee Nieuw gehoude.
Een seker Ionghman een jonghe Dochter getrouwt hebbende, soo hy
meende, quam doe de eerst Bruylofts nacht was by haer te bedde, doe vertelde hy
haer uyt jock, en seide, Liefste, ick hebbe een jonghe dochter van een Jaer
oudt dat ick lief hebbe, en die moeder heb ick oock lief ghehadt, en ick
begeere ghy sult het oock lief hebben: Waerop sy seide, ick hebbe oock een
Soontjen ontrent van anderhalf Iaer oudt, by sulcken Ionghman ghehadt, soo
kunnen wy dan noch t samen wel een houwelick maken. Hy seer t'onvreden wesende,
seyde des morghens teghens haer Vader, u Dochter heeft my bedrooghen, sy heeft
een kind ghehadt by sulcken Ionghman, ick denck haer niet te houden, want sy
heeft het selver my geseght. De Vader antwoorde dat heeft sy uyt kortswyl
geseght: Neen seyde hy, sy heeft my man en peert genoemt: De Vader seide
wederom, ick weet raedt, ick sal de Moeder by haer senden, die sal haer onder
vraghen, en wy sullen achter de deure staen en hooren wat sy seggen, gelijck sy
deden. De Moeder die ginck by de dochter, en vraeghde haer of sy sulcks teghens
haer Man gheseght hadde, dat of sy een kindt by een ander ghehadt hadde, of dat
waer is, en of zy het uit jockerye geseght had? Sy antwoorde, ick hebbet in
ernst geseydt, als
Auteursrechtvrij