Vermakelijcke bruylofts-kroon, doorvlochten met verscheyden leersame gedichten

[Een die met boertery haer stadigh wil generen]

't Is niet sonder perijckel.

Een die met boertery haer stadigh wil generen,

Die moet een vreemde streeck dick laten door passeren,
De Vryer die wort stout, indien hy gecken mach,
't Is 't gene dat hy soeckt, het is de rechte slach,
Dan gaet de loose gast en soeckt veel kromme wegen,
Quansuys met geckerny, gelijck de Linckers plegen:
Van ouden tijt te doen, en soo 't haer niet bevalt,
Soo leyt men 't daer me af, het maer wat gemalt,
En ondertusschen lijt een Maget duysent lasten,
Wech, wech met geckerny, en met alsulcke gasten.