Het boeck der psalmen Davids

De Cxxj. Psalm.

Dauid beschryvende den strijdt sijns ghemoets, beveelt sick in Godes handen, ende sterct sick in den gelooue op syne beloften.

1. Een uytnemende hoochtreffelijck liedt.

OF ick op berghen heff mijn oog,
End' in de werelt soeck
Ontset aen allen hoeck:
2. Soo

[fol. Yiijr]

 

is doch God, die d'hemels hoog',

 

End' d'aertrijc heeft gheschapen,

 

Alleen mijn hulp' end' wapen.

 

3. * Hy sal recht stueren dynen voet,

 

End' hoeden van den val:

 

Want hy niet slapen sal.

 

4. Voorwaer die Israel behoedt

 

Waeckt altijts euen seere,

 

End' sluymert nemmermeere.

 

5. * De Heer sal dijn behoeder zijn,

 

Dijn scheem, dijn schutt, end' scherm,

 

Aen dynen rechten erm.

 

6. Op dat de heeten sonneschijn,

 

Des daegs dy niet en brade,

 

Noch maen' s'nachts niet en schade.

 

7. * God is die dijn siel van t'beghin,

 

Ten eynde toe bystaet,

 

End' hoed't van alle quaet:

 

8. End' waer du treed'st t'sy uyt oft inn',

 

Hy wilt dy steed's bewaren,

 

Van nu tot eew'ghen jaren.