Het boeck der psalmen Davids

De Lxvij. Psalm.

De gemeynte bidt dat het rijcke Gods in Iudea dadichlijck vvercke, onder den heydenen verstreckt vverde, ende met alle gheestelijcke ende lichamelijcke segenen ende weldaden verciert.

2. GOdt zy ons gunstich end' genadich
End' segen' ons uyt miltheyt groot,
Sijns aenschijns claerheyt sy gestadich
By ons end' licht ons inden noot.
3. Al t'volc sy genegen
Heer' om in dijn wegen
Te werden verclaert,
End' dijn heyl warachtich,
Den heydens eendrachtich
Werde g'openbaert.

[fol. Lvjr]

 

4. * De volcken moeten dy God prysen,

 

Laet alle volcken dancken dy.

 

5. Dat alle volcken vreugt bewysen

 

End' singhen oock van herten bly,

 

Want du salt t'volck richten,

 

Ende dijn rijck stichten

 

In gherechticheyt:

 

Du salt goedertieren

 

T'volck op eerden stieren

 

Onder dijn beleydt.

 

6. * Dijn name zy van t'volck verheuen

 

Een yegh'lijck segg' dy lof end' danck:

 

7. Het eertrijck sal sijn vruchten gheuen

 

God seghen ons ons' leuen lanck.

 

8. Dat God int ghemeene

 

Gunstich ons verleene

 

Seghen ende spoet.

 

Dat hem alle hoecken

 

Des eertbodems soecken

 

Met vrees' end' ootmoet.