De Prophete looft God van Syon seer hooghelijck, van vveghen
synes names maiesteyt, heerlijckheyt, vvercken ende vvoort: ondervvijst de
ghemeynte van God versamelt, hoe sy hem noch dienen sal, straffet opentlijck de
godd'loose van vvegen harer hypocrisie, ende vermaentse tot beternisse.
[Folio Iiv]
[fol. Iiv]
1. DEr Goden God, de sterckste bouen
al
Spreeckt end' ontbiet voor hem het aertsche dal
Van oost tot west. 2. Wt Syon machtich schoon
Verschijnt de Heer met heerlijcken verthoon.
3. Hy sal ghewis op synen richtstoel styghen,
Want hy voortaen niet langher en wilt swyghen.
* Een teerend' vier sal voor zijn aensicht staen:
End' int rontom storm end' onweder gaen:
4. Hy daegt voor hem d'eerd' end' den hemel claer
Dat hem zijn volck ten oordeel' openbaer.
5. Vergaert, spreect hy, t'volck dien ick ben genegen
Die mijn verbont met offerhanden pleghen.
6. * Ghy hem'len hoogh' zijn rechten vry uytsegt:
Want God voorwaer een richter is oprecht.
7. Hoort toe mijn volck, hoort mijn woordt end' bevel:
[Folio Iijr]
[fol. Iijr]
Want ick ben God dijn God o Israel.
8. Ick straff dy niet van weghen der off'randen
Die ick steed's sie op mynen altaer branden.
9. Ick en behoef gheen kalf uyt dynen stal,
Denck niet dat ick dijn bock ontfanghen sal:
10. Want my hoort toe all' het ghediert' int wout
Met all' het vee dat sick op berghen hout,
11. Ick kenn' als mijn t'ghevoghelt' allerhande,
Op't hoogh' ghebergt', end' t'wilt ten platten lande.
(1.) ** **
12. * Ick seyds dy niet waer' ick in hongers noot:
Want my hoort toe de wereldt wijdt end' groot.
13. Meynstu dat ick t'vleesch ete van een rindt
Oft tot den dranck van bocxbloet ben ghesindt?
14. Offer den Heer lofsanghen met vertrouwen
End' denck te recht dijn g'loften t'onderhouwen.
15. * End' roep my aen als du bist inden noot,
Dan help' ic dy, zo maeckstu mijn naem groot.
16. Voorts sal de Heer den god'loos' spreken aen:
Wat hebstu doch mijns wets te doen vermaen?
Waerom neemst du mijn bont in dynen monde:
17. Daer du doch haetst de tucht uyt s'herten
gronde?
* End' du verstootst van dy mijn heylich woort.
18. Wort by gheval een dief van dy ghespoort
Du loopst hen nae, end' volgt het boos gespuys:
End' hebst dijn deel met eebrekers onkuys.
19. Du schickst dijn mont tot quaet, end' wilst niet deughen.
Auteursrechtelijk beschermd