Dauid roemende op de sterckheyt sijns Gheloofs op Godt teghen
alle ghevaerlijckheden, vertroost sick seluen in sijn afwesen vander ghemeynte.
Bidt om Godts ghenade, hulpe, onderwysinghe, ende ten laetsten vermaent sick
seluen ende de ghemeynte tot een vast betrouwen op Godt.
1. Dauids liedt.
GOdt is mijn licht end' Heylant hooch verheuen
Waer voor soud' ick met vreese zijn bevaen?
Godt is mijn cracht die m'onderhout in't leuen,
Wie sal my schrick oft ancxte jagen aen?
[Folio Dviijv]
[fol. Dviijv]
2. Doe my de boos' aenvielen met
gewelt
End' meynden wel mijn vleesch te slicken op:
Sy werden selfs gestooten voor den kop
Mijn vyanden end' ter eerden ghevelt.
3. * Of my al schoon een legher quaem' omringen
So soud' my t'hert' daerom niet zijn verschrickt:
Off men my wilt becryghen end' bespringhen
Noch staet mijn troost daer op altoos gheschickt.
4. Dat ick van Godt slechts een dinc heb begeirt
End' wil noch t'self' versoecken bouen all'
Dat alsoo lang' my, t'leuen dueren sal
My in zijn huys een wooning' sy bescheirt.
* Op dat ick mach de lustbaerheyt des Heeren
Recht ouersien na mynen wensch end' keur:
End' my aldaer aen alle kanten keeren
Om zijn paleys t'aenschouwen deur end' deur.
5. Want hy my sal in tijt van ancxt end' pijn
Voor alle noot verberghen in zijn hutt':
Daer ick beschermt sal wesen end' beschutt
End' op een rotz der nae verheuen zijn.
(1.) ** **
6. * Hy heeft m'alreed' alouer s'vyants scharen
[Folio Eir]
[fol. Eir]
Die omm' my staen het hooft hoogh
opghericht
Dies ick zijn loff in zijn hutt' wil verclaren
End' off'ren hem der lied'kens soet ghedicht.
7. Verhoor my Heer end' op mijn schreyen lett:
Want ick tot dy mijn stemm' heff' inden noot
Ontferm dy mijns na dijn ghenade groot
End' antwoord' my met gunst op mijn ghebet.
8. * Dus spreect mijn hert' in my van dyner wegen,
Auteursrechtelijk beschermd