Het boeck der psalmen Davids

De xxv. Psalm.

Dauid sijnde swaerlijck verdruct van synen vyanden, bidt God dat hy hem will' onderwysen, ende syne sonden, (de oorsaecke syner ellenden) vergheuen: hy sterckt sick seluen inden ghelooue ende hope van alsodanighe ghenade, midts Godes ghetrouwe bermherticheyt: Ende bidt ten laetsten om verlossinge voor hem ende de gantsche ghemeynte.

1. Dauids liedt.

TOt dy staet mijn siel verheuen
2. Mijn God, mijn hop' rust op dy,
Laet my doch geen schand' aen-

[fol. Dvv]

 

cleuen,

 

Noch mijn vyant werden bly.

 

3. Laetse tot schand' nemmermeer

 

Worden die op dy vertrouwen:

 

Maer op die de schande keer'

 

Die des' met onrecht benouwen.

 

4. * Gheef my Heer dijn wech te kennen:

 

Leer my dyne rechte baen:

 

5. Stuer my: wil mijn voeten wennen

 

In dijn waerheyt recht te gaen:

 

Want du bist God die my mach

 

Ende wilt oock salich maken:

 

Op dy wacht' ick al den dach

 

Met verlanghen ende waken.

 

6. * Denck aen dijn barmherticheden:

 

Door dijn goetheyt werd' beweegt

 

Die du in den tijt verleden

 

Vanden aenvanck hebst ghepleegt,

 

Vergeet de sond' myner jeugt,

 

Denck niet meer op mijn misdaden:

 

Maer om dyne groote deugt

 

Ghedenck myner in ghenaden.

 

8. * God de Heer is goedertieren

 

Trouw, warachtich end' oprecht

[fol. Dvjr]

 

Dies sal hy de sondaers stieren

 

Op een effen baen end' slecht.

 

9. D'arm volck in druck ende pijn

 

Sal de Heer met recht bescheyden:

 

End' al die ootmoedich zijn

 

Sal hy op zijn weghen leyden.

 

(1.) ** **

 

10. * Want van alle Godes weghen

 

Liefd' end' waerheyt is het slot,

 

Aen de gen' die zijn bondt pleghen

 

End' bewaren zijn ghebot.

 

11. Heer om dynes namens wil

 

Wt ghenaden louter goedich

 

Mijn misdaden my quijt schil

 

Die groot zijn end' ouervloedich.

 

12. * Wie is de man hier beneden

 

Die den Heer van herten vreest?

 

Den wech dien hy hoort te treden

 

Sal hem leeren Godes gheest.

 

13. Hem sal met vred' des ghemoets

 

T'goet zijn leefdagh' ouerschieten,

 

End' zijn kind'ren vol voorspoets

 

Sullen d'aertrijcks erf' ghenieten.

 

14. * Die den Heer van herten meenen

 

Synen raet maeckt hy hun kondt,

 

End' sal hun ghenad' verleenen

 

Te verstaen zijn heyl'ghen bondt,

 

15. Dies staet my d'oog' end' t'ghemoet

 

Tot den Heer steed's opgheslaghen:

 

Want hy sal my mynen voet

 

Maken vry van alle laghen.

 

16. * Dijn aenschijn tot mijnwaerts wende

 

O Heer ende mijnr' ontferm,

 

Want ick ben in groot' ellende

 

Eensaem, schamel end' seer erm.

[fol. Dvjv]

 

17. Ick ghevoel so lancks so meer

 

Die benautheyt mijnder herten.

 

Wil my dan verlossen Heer,

 

Wt mijn pynen ende smerten.

 

18. * Sie doch aen Heer met ghenaden

 

Mynen ancxt end' swaren druck,

 

End' vergheef my mijn misdaden

 

Oorsaeck van dit ongheluck.

 

19. Sie, mijn vyanden die sterck

 

End' seer veel zijn uyt der maten:

 

Daerenbouen vlytich merck'

 

Hoe fenynich sy my haten.

 

20. * Hoede my dan van haer handen

 

End' mijn arme siel behow'

 

Op dat ick niet com' tot schanden:

 

Want ick vast op dy betrow'

 

21. Mijn vrom' hert' com' my te baet

 

D'wyl' ick op dy alleen wachte,

 

22. Heer verloss' van alle quaet

 

Israel met dyner crachte.