Het schilder-boeck

Den Vinger.

Den wijsvingher op den mondt, bewijst stilswijghen:^* in sulcken doen oft ghestalt wort gheseyt Harpocrates en Oros gheboren waren, oft ter Weerelt quamen. Den Ring aen den Ring-vinger, dat is, naest den cleenen, bewijst den Houwlijcken^* band. En alsoo den Ring is een teecken der dienstbaerheyt, oft onderworpenheyt, steeckt den Bruydegom de Bruydt eenen aen, bewijsende, dat sy hem dienstbaer oft eyghen is.

* Swijgen.

* Houwlijc.