Het schilder-boeck

De Kraeye.

Met twee Kraeyen by een, wort afghebeeldt den vreedtsamen eendrachtighen^* Echten staet: want dees Voghels malcander seer lief hebben. De Kraeye beteeckent oock ghesnap, oft veel claps, Minervae vyandigh, : want^* wijse luyden, die met hunnen geest te wercken hebben, haten t'gheclap. Met de Kraeye, sonderlinge de bonte, wort den Winter beteyckent. De Kraeye^* wijst aen een langh leven: want men seght, datse hondert Iaer leeft.^*

* Vredigen Echt.

* Veel claps.

* VVinter.

* Langh leven.