Het schilder-boeck

Het Peerdt, en zijn beteyckeninghe.

Den Krijgh wort met het Peerdt beteyckent, nae der Poeten meeninghe,^* als het bequaemste Dier tot den Krijgh, wesende een moedigh, vreesloos, sterck, en snel Dier.

Een man der reden gehoorsaem, wort beteyckent met t'gebreydelt Peerdt.^*

S'Menschen vluchtigh leven, wort met half Man half Peerdt afgebeeldt.^*

Met t'vlieghende Peerdt, wort gherucht beteyckent, t'welck vlieght, en^* doet de Borne der Sang-Goddinnen vloeyen, dat is, verweckt den Poeten te singhen den lof der vermaerde Mannen.

* Krijgh.

* Man der reden ghehoorsaem.

* VVanckelbaerheit des Menschen.

* Gherucht oft Fame.

[fol. 128v]

Den oncuyschen Mensch, wort by den Centaure beteyckent: want (seght^* een) alle Mensch is geen Mensch: want een die hem tot ondeught begheeft, is een Peerd mensch.

* Oncuyschen Mensch.