De harpe, oft des herten snarenspel

Inhoudende veel stichtlijcke liedekens: nu andermael door K. van der Mander ouersien, verbetert, ende vermeerdert

[Ten tijde Debora]

Nae de wijse: Ick hebbe den tijdt ghesien: oft, Den ouden Abraham.

⁺TEn tijde Debora,
Alsser gheen Rechters waren,
Dachte Iabin met scha
Israel te beswaren:
Hy fandt sijn dienaren
Met Sissera seer fel,

+ Iude,4.1.

[p. 169]

 

[Die] wel twintich Iaren

 

[Ver]druckte Israel.

 

[M]et neghen hondert sterck

 

[Wa]ghens van ijser crachtich,

 

[Bro]cht hy aldaer int perck

 

[Ru]yters, knechten voordachtich,

 

[Da]er hy Israel onsachtich

 

[M]et persequeren soe:

 

[M]aer Godt de Heer almachtich

 

[Wi]ldet niet laten toe.

 

[I]srael die aensach⁺

 

[Di]t groot gheweldt voorhanden,

 

[Rie]pen nacht ende dach

 

[To]t den Heer met verstanden,

 

[Wi]lt doch brenghen in schanden

 

[De]n grooten vyandt quaet,

 

[Di]e met roouen en branden

 

[Gh]eenen tijdt af en laet.

 

[O]nder den Palm soet

 

[To]t Ephraim in desen,

 

[W]oond' een Propheters vroet,

 

[De]bora soo wy lesen:

 

[To]t die quam opgheresen

 

[He]el Israel subijt,

 

[D]oor den Gheest Gods ghepresen,

 

[Re]chte sy, doe ter tijt.

 

En Debora die sprack

 

[Al] tot den Hooftman coene,⁺

 

[M]et den name Barack:⁺

 

[Tr]eckt op nu ten saysoene,

+ Iudic.4,3

+ Iudic.4,6

+ Iudi.5,12

[p. 170]

 

Thien duysent Mans int groene

 

Legt op't gheberghte fijn,

 

Godt sal t'uwen verdoene

 

Gheuen het volck Iabin.

 

Barack antwoordede,

 

Ick en treck niet te velde,

 

Of ghy trecket me,

 

Op dat wy met ghewelde

 

Den vyandt die ons quelde

 

Den cop vertreden siet:

 

Maer Debora vertelde

 

Den prijs werdt uwe niet.

 

Godt sal sonder ghenae

 

In eens Wijfs handen gheuen,

 

Den boosen Sissera,

 

Met sijn waghens beseuen,

 

En knechten daer beneuen,

 

Dus zijn op Thabor vry

 

Thien duysent Mans verheuen

 

Wt Sabulon, Nephtaly.

 

Sissera werdt gheseyt,

 

Siet Barack is ghecomen,

 

En heeft sijn heyr gheleyt

 

Op den Bergh sonder schromen:

 

Sissera heeft ghenomen

 

De waghens tot behoet,

 

En knechten t'sijner vromen

 

Sterckte hem met der spoet.

 

Wel op, dit is den dach

 

In welcken Godt de Heere

[p. 171]

 

[Siss]era met gheclach

 

[Wil]t brenghen in verseere,

 

[Bar]ack met snellen keere

 

[Tra]ck van't gheberghte tem,

 

[En] tot Israels eere

 

[Thi]en duysent volghden hem.

 

[G]odt die maeckte vertsaeght⁺

 

[Siss]era met sijn ghesellen,⁺

 

[Bar]ack heeft nae ghejaeght⁺

 

[Het] heyr niet om versnellen,

 

[Da]t hyse, nae't vertellen,

 

[Al t]ot Haroseth dreef,

 

[Me]t t'sweerdt sachmense vellen,

 

[Da]tter niet een en bleef.

 

[H]et heyr zijnd' op de vlucht,

 

[Sis]sera vloodt te voete,

 

[En] door dit groot gherucht

 

[Gi]nck hem te ghemoete,

 

[Ia]el met woorden soete

 

[Sp]rack sy: Heer, wijckt tot my,

 

[Ic] sal tot uwer boete, Seer wel bevrijden dy.

 

Dit docht hem eenen vondt,

 

[W]ant dat huys Heber mede

 

[Al]sdoe met Iabin stondt

 

[In] eenicheyt en vrede:

 

[Om] water was sijn bede,

 

[D]orstich zijnde, voor welck

 

[Sa]el hem drincken dede

 

[W]t eenen pot wat melck.

 

Met eenen mantel wijt

+ Iud.4,15.

+ 1.reg.14.15

+ Ios.10,10.

[p. 172]

 

Deckte sy hem ter keure,

 

Hy sprack tot haer subijt:

 

Treedt in der hutten deure,

 

En soo yemandt hier speure

 

En vraeght is hier yemandt,

 

Segt neen t'mijnen faueure,

 

Doet my ter noot bystandt.

 

⁺Hy dus zijnde verdooft

 

Onder t'decksel gheleghen,

 

Heeft sy door sijn hooft

 

Eenen naghel ghesleghen:

 

Sluymerich bedeghen

 

Wierdt hy aflijuich daer,

 

Sy liep Barack teghen,

 

Maecktet hem openbaer.

 

Den Man die voor u vloot

 

Is tot my inghecomen,

 

Siet, en hy light hier doot:

 

Ick hebbe sonder schromen

 

Eenen naghel ghenomen

 

En door sijn hooft ick sloech

 

Al tot Israels vromen

 

Die Godt sijn jonste droech.

 

Nu is in mijner handt

 

Desen vyandt seer schadich,

 

Nae de woorden constant

 

Van Debora ghestadich,

 

Die Israel versmadich

 

Seer heeft ghepersequeert,

 

Loeft den Heere weldadich,

+ Iud.4,21.

[p. 173]

 

[T'stael] triumpheert.

 

[Iabin ]de Cananijt

 

[Werd]t dus van Godt bedwonghen

 

[Iae] uytgheroeyt door strijt,

 

[Door] Israel, doe songhen

 

[Lofsa]nck met blijde tonghen,

 

[Debo]ra, Barack, t'saem

 

[Haren] gheest is ontspronghen

 

[Vreu]chdich in s'Heeren naem.

 

[Oo]rlof vrienden vermaert,

 

[Merc]kt op t'exempel reene,

 

[Als] Iael onvervaert

 

[Dood]d' den vyandt niet cleene,

 

[Die a]ls een Leeu te beene.⁺

 

[Gaet] rondtom het ghetal,

 

[Soec]kend' in t ghemeene

 

[Dien] hy verslinden sal.

+ 1.Pet.5,8.