De gulden harpe, inhoudende al de liedekens, die voor desen by K.V.M. gemaeckt, ende in verscheyden Boecxkens uyt-ghegaen zijn

[p. 591]

Overlegh op Abigail,

Op de wijse: Susann' un jour.

VOorsichticheyt, belet schadigh verseeren,
Door daet bequaem, en sprake wel geschickt,
Met soet bescheyt, en can ongeluck keeren,
Want edel werck een edel hert verquickt,
Daer teghen een hert onbeleeft verstrickt
In onverstant, kan tooren doen ontsteken,
Int beleeft hert, alsoo 't wel is ghebleken
Aen David, door den dwasen Carmelijt,⁺
Die hem ontseyt met plomp hoveerdigh spreken,
Lijfs onderhout, ter behoeftiger tijt.

Vergeten deucht, en weldaden ontfangen,

Zijnd' onbeleeft, en ondanckbaer gheloont,
Des toorens lust, die brand' in heet verlangen
Dat recht verghelt wraeck sweerdigh waer ghetoont,
En niet so cleen een want-pisser verschoont,
Doch wel bedacht Abigail de wijse⁺
Voorquam dit quaet, en ded' een werc van prijse
'tVerhonghert volck vervullende 'tgebreck,
Vant overvloet des groven brassers spijse,
Wien Afgod buyck, guls leerde zijn en vreck

Een maeltijt groot, als een Coningh verheven,

Hadd' hem bereyt den onbekenden vraet,
Als by hem self heeft hy bedreven
Sondige vreugt, seer droncke, maer onmaet
Wat volgt haer, dan so meestendeel het quaet
Zijn meester loont, verdiende stroffe eenen
Seer droeven steert, gedragen op van weenen
Oft spa berouw in uyterlijck verderf,
Siet eenen steen ghelijck hy die so steenen⁺
Van herten was, en door Gods handt oock sterf.

Abigail is Davids Wijf bedeghen,

Siet hoe weldaedt belooning' altijts vint
Een yder zy, als sy oock milt, gheneghen,

+ 2 reg.25.13

+ 1 reg.25.18

+ 1 reg.25.37

[p. 592]

 

⁺Om bystant doen Gods gesalfden bemint,

 

⁺Aen elck sijn lidt, Godvruchtich hier gesint,

 

Wie vrolijck gheeft eenvuldigh ten betame,

 

⁺Die is seer lief den Heer, en aenghename,

 

Den Koningh sal hem roepen in sijn Rijck,

 

Want hy acht sijn gheloovighe bequaeme,

 

Hem selven in dese Werelt ghelijck.

Een is noodigh.

+ Exod.25.2

+ 2.Cor.9.7.

+ mat.25.34