De gulden harpe, inhoudende al de liedekens, die voor desen by K.V.M. gemaeckt, ende in verscheyden Boecxkens uyt-ghegaen zijn

Den 101. Psalm.

Nae de wijse: Mijn Godt voedt my, als een Herder ghepresen.

VAn genade en recht te singen, wil ick
Ende u, o Heere, lof segghen billick,
Voorsichtigh ende redelijck ick handel
By die my toegehooren, en ick wandel
Getrouwelijck in mijn huys nae't behooren
Ick en neem my gheen boose saecke vooren.

Ia den overtreder met rechten haer ick,

Ende hem by my niet blyven en laet ick,

[p. 584]

 

Een verkeert herte dat moet van my wijcken,

 

Den boosen en lijd' ick niet van ghelijcken,

 

Soo wie dat heymelijck van zijnen naesten

 

Achterclap doet, dien verniel ick met haesten

 

Ic en vermagh ooc niet, noch en gedooge,

 

Die stout gebaer heeft, en eenen moet hooge,

 

Mijn ooghen over al na den ghetrouwen,

 

Inden Lande mercken ende aenschouwen,

 

⁺Dat sy by my woonen sonder ontbeeren,

 

Ende vrome dienaren heb ick gheeren,

 

⁺In mijn huys houd' ic geen valsche lieden

 

⁺De leughenaers by my niet en bedieden,

 

⁺Ick verniele oock vroegh alle Godtloose

 

⁺In den lande soo dat ick alle boose

 

Quaetdoenders, oft misdaders vol oneeren

 

Tsamen uytroeye, uyt de stadt des Heeren.

Een is noodigh.

+ Psal.15.1.

+ Psal.5.7.

+ Iob.18.17.

+ Psal.37.9.

+ Prov.2.22