Den Lusthof der gheestelicke oeffeninghen
(1617)–Lodewijk Makeblijde–
[pagina 103]
| |
Wat sullen vvy doen 's auondts als vvy slapen gaen?WY sullen onder-soecken onse conscientie naer-volghende dese vijf punten: Ten eersten, Wy sullen Godt dancken van sijne weldaden. | |
[pagina 104]
| |
Ten tvveeden, Bidden om gratie, dat wy souden moghen onse sonden kennen, met een waerachtich leedtwesen beweenen, ende oprechtelick haten. Ten derden, Ondersoecken in Godts teghenwoordicheydt onse conscientie, aen-gaende al dat dien dach ghepasseert is. Ten vierden, Oodtmoedelick Godt verghevenisse bidden, van alle de sonden die wy sullen ghedaen hebben. Ten vijfden, Een vast opset maken van ons te beteren, ende te biechten. |
|