Episodes uit Maerlant's Historie van Troyen

Naar het te Wissen gevonden handschrift

Slot.

⁺Heer was hy (Eneas) meer dan veertich jaer
In Laciën oec daer naer,
Als ic in Virgilius las.
Als hy out van daghen was,
Wan hy enen soen, hiet Sisamus;
Ende synen soen Aschanius
Maecten Alba, die goede stede,
Die synt Romulus heiten dede
Romen, naden name syn.
Aldus dan syn die Latyn
Comen vanden Troyenen,
Ende alle die keiseren, die croen spienen
In Romen, synt daer af gheboren.
Het was voerseit langhe te voren,
Dat die Troyen haren noot
Verwynnen souden, al was hy groot.
Dese meer ghinc veer ende wyde;
Daer quamen die Troyen te stryde,
Die in menich lant waren katyve.
Haer kynder ende wyve
Quamen daer oec van Achesten,
Ende ridderen van mengher vesten,

+ f⁰. 283v.

[p. 352]

 

Van Creten, van Pergama,

 

Uyt Griecken veer ende na.

11065

Doch dat sy maecten een scaer,

 

Over die berghe seynden sy se daer;

 

Daer was Vranc af hoeftman.

 

In Vrancryc was hy, die wan

 

Yerstwerve coren ende wyn

11070

Op die edel ryvier den Ryn;

 

Noch heitet lant na synen naem.

11068. Hs.: die yerst die wan.