Der naturen bloeme (1998)

Der naturen bloeme

(1998)–Jacob van Maerlant– rechtenstatus

Auteursrechtelijk beschermd

Vorige Volgende



[Folio 8r]
Proloog 1[regelnummer] Jacob van merlant die dit dichte omme te sendene tere ghifte wil datmen dit boec nome jn ulaems der naturen bloeme 5[regelnummer] want noch noint in dietscen boeken ne gheen dichtre wilde soeken hiet te dichtene van naturen van so messeliken creaturen alse in desen boeken staen 10[regelnummer] niemene nebbe dies waen dat ic die materie vensede els dan ic die rime pensede want de materie vergaderde recht van colne meester albrecht 15[regelnummer] hute desen meesters die hir comen die ic iv sal bi namen nomen die erste es aristotiles die met rechte wel deerste es want hi van alre phisosophyen 20[regelnummer] van alre naturliker clergien bouen allen eidinen die hoit waren crone draghet inder scaren waer somen dit teikin siet .aristotiles dats dat hi segghens pliet 25[regelnummer] plinius die comet hier naer wis boeke men oudet ouer waer solinus dar na die van naturen spreket scone in sire scrifturen jn enen boeke diemen weet 30[regelnummer] die vander werelt wondre heet Sente ambrosius van melane die van naturen doet te verstane jn sinen boeke Exameron dien nopmen dicken in dit doen 35[regelnummer] Sente bazelis sekerlike dien got sende van emelrike enen boec van beesten nature staet dicken oec in dese scrifture Sente isidorus oec mede 40[regelnummer] die dicken groote nuttelikede ghescreuen heuet in sinen boeken dicken moetmen sijns hier roeken Echt meester iacob van vitri bisscop van hakers so was hi 45[regelnummer] sident cardinael van rome sijns eist recht dat ic hier gome Een boec oec mar menne weet wiene makede ghereet die es geheeten onder hem somen 50[regelnummer] experimentator hormenne nomen sijn wort setti hier mede alst noot es ter menegher stede Galienus palladius platearius fisogolus 55[regelnummer] lucillus piso teofrastus entie keiser claudius dorothenus van athenen ende dyogenus ghemeene dymocritus apollodijn 60[regelnummer] die vanden beesten die draghen venijn jn sinen boeken latet besien dionisius die fisisien
[Folio 8v]
katon verro ende marcus eraclides ende orpheus 65[regelnummer] pitagoras ende menander omerus ende nicander mucianus dyagoras virgilius ende andreas coninc iuba patroneus 70[regelnummer] coninc philometor metellus coninc tholomeus vmbricus coninc antigonus alfeus coninc archelaus flaminus philiomon ende nigidius 75[regelnummer] ceneca ende cicero entie wise ipocras also nigidius ende matulidus dit sijn die meesters dar wi dus dit werc af ebben ghemaket 80[regelnummer] dar toe die bouen allen smaket dats die wise sente agustijn seghet hier mede toe dat sijn dar toe vander biblen de glose saiet hier meneghe soete rose 85[regelnummer] Wien so fauelen dan vernoien ende onnutte loghenen moien lesier nutscap ende waer ende uersta dat noit een haer om niet ne mekede nature 90[regelnummer] het nes so onwerde creature sones teregher sake goet want got die bouen al es vroet dans te gheloeuene meer no min dat hi hiet makede sonder min 95[regelnummer] noch gheene dinc ne makede har seluen noch die duuel noch die heluen ne makeden creaturen nie dies willic dat elc besie ende loue gode van allen saken 100[regelnummer] die wonderlic es in sijn maken jc ebbe belouet ende wilt ghelden ghewilleghelike ende sonder scelden te dichtene .i. bestiaris nochtan wetic wel dat waer is 105[regelnummer] dat dar willem huten houe een priester van goeden loue van erdenborch: enen heuet ghemaket mar hi waser in ontraket want hine huten walsche dichte 110[regelnummer] dies wart hi ontledet lichte ende heuet dat ware begheuen mar daric dit hute ebbe bescreuen ebbic van broeder albrechte van colne diemen wel met rechte 115[regelnummer] hetet bloeme van der clergien vp hem dar ix conlike lien. Deerste boec sal iv bedieden dat wonder datmen vindet van lieden dander van .iiii. uoeten beesten 120[regelnummer] darmen uele af spreket in geesten Die derde die sal sonder lieghen sijn uan uoghelen die ulieghen die vierde dats noch mee es vanden wondre vander ze 125[regelnummer] Die uichte van uisschen meneghertiere die die zee uoedet entie riuiere den sesten belouic te sine van serpenten met venine die seuende sal sijn van wormen 130[regelnummer] die sijn van messeliken uormen
[Folio 9r]
Die achtende van bomen die int wout wassen arde menech fout De neghende sal iv ghewaghen van bomen die specie draghen 135[regelnummer] die tiende sal bedieden dat cruud dat menegherande heuet vertuud die .xi. spreket van fonteinen beeda van soeten ende van onreinen Die twelefste van dieren steenen 140[regelnummer] beede van groten ende van cleenen de dertienste van .vij. metalen diemen moet huter erden halen Ende in allen desen boeken mach hi vinden dies wilroeken 145[regelnummer] medicina dachcurtinghe scone redene ende leringhe ende dit dichtic dor sinen wille dien ix ian lude ende stille dats mine here niclaus van cats 150[regelnummer] ende omme dat mi ghebreket scats biddic dat hem ghename si dit iuweelkin van mi Gode biddic al te voeren ende sine moeder hute vercoren 155[regelnummer] ende si minen sin verlichte also dat ic moete dichte dat vromelic si ende bequame jc beghinne in marien name

Vorige Volgende

Over het gehele werk

titels

Der naturen bloeme