Kribbelkes. Gediechskes in 't Mastreechs

[p. 87]

Oktobermaond.

Veur Mgr. Dr. G. Lemmens.

Oktobermaond! Maond vaan eus Moedergäödske!
'n Herrefszon goeit straole op 't pläötske
boe veur häör beeld stoon blomme in e veeske
en flikkrend brant e leechske in e gleeske.

Oktobermaond, boe-in de blajer valle.
Oktobermaond, noe valle ouch de kralle
vaan roezekrens, gebeijd veur 't Moedergäödske
en eeder zeuk ziech in häör hart e pläötske.