Kribbelkes. Gediechskes in 't Mastreechs

[p. 67]

Dao is e Keend gebore.

Dao is e Keend gebore,

Kyrieleis,

E blömke tossen 't kore
Zoe steit 't gans verlore

Kyrieleis.

't Zal zien zäödsjes zejje,

Kyrieleis,

En es me daan geit mejje
Wee zal nao 't blömke krejje?

Kyrieleis.

Wel zal m'n 't zien bleuie,

Kyrieleis,

En ziech demèt bemeuie,
Meh 't blijf gestiedig greuie.

Kyrieleis.

De zäödsjes tossen 't kore,

Kyrieleis,

Die goonge neet verlore,
Daoveur is 't Keend gebore.

Kyrieleis.