Kribbelkes. Gediechskes in 't Mastreechs

[p. 23]

Duuster stad.

Daak aon daak steit hoes aon hoes...

In 't stikke-duuster

Lik de stad zoe stèl, zoe stèl,

Zoonder ei gefluuster.

Grieszwart steit de hoezerij

Stèl ziech te verbiete,

Wie moojers, die in rouwtwalèt

Get sjoens en leefs bekriete.

Duuster stad, boe daak aon daak

Dèk väöl leef en lije,

Kin ziech noe neet hoes aon hoes

Es 'ne noster reije?

Eeder hoes daan 'ne kral,

Vraogend in d'n duuster...

Eeder hoes e klei geval

Vaan stèl gebedsgefluuster.