Kribbelkes. Gediechskes in 't Mastreechs

[p. 21]

Veur hun die veele.

Juni 1940.

 

De groond dèk noe veur altied touw

 

joonk leve, dat verblooide

 

wie ziech de mejjer mèt zien zeis

 

euver de wereld spooide.

 

 

 

Väöl awwervräög woort awwerleid;

 

en kinderstumme vrooge;

 

väöl vrouwe-ouge traonde dèks

 

es hun de kruzer slooge.

 

 

 

Dit zaod veel nörreges veur niks,

 

want ins kump, wie veer hope,

 

de vreij, en op hun graver bleuit

 

de nuije wereld ope.

 

 

 

Noe ligke vrund en vijand dao

 

vlaak nevenein te slaope

 

de groete slaop, dee stèl doog zien:

 

de geis, de hand, 't waope.

 

 

 

Veer beije stèl e Weesgegroet

 

veur allemaol die veele,

 

veur vrund en vijand en veur hun

 

die vaan hun jonges heele.