Voyagie ofte schipvaert van by Noorden om langes Noorwegen

Van de selve

Aen Ian Hvyghen van Linschoten Op't ondervinden ende vernoemen van Vaygats.
Sonnet.

SOo langh' als sal de wijt-vliegende Fame

Vyt roepen, snel over water en veldt

T'Nassausche bloet voor een cloeck strijtbaer Helde,

Voort-dringhend' vroom en van zeden bequame.

VViens d'hooghe Stam van Orangien niet schame

Linschoten sal v lof worden ghemelt,

Die ons den ganck onder t'Beerckens ghestelt

Ontdeckt en stelt een onsterflicke name.

Des sal eer langh Spaengien hooren met rouwe,

Dat een plomp volck door de Straet van Nassouvve

Eermaels Vaygats met uytghestreckte seylen

Ghedrongen spoort, al door de Cathaysche baren

Sonder verlet, nae de soet-reucke waren,

Om Ganges voort u stranden te bepeylen.