Theatrum amoris divini et humani

[p. 4]

Θεοφιλία. II.

⁺AMor Dei, est rectissima animi affectio, quâ diligitur Deus propter se, & proximus ⁺ propter Deum. O Amor praeceps! Amor flagrans, Amor vehemens, Amor te intra te cohibere non valens: qui praeter te aliud cogitare non finis: fastidis caetera, contemnis omnia praeter te. dulciter capis, strenue stringis, sapienter erudis, gloriosè illaqueas, oneras delectabiliter, foeliciter vris, in dicto expectaris, nec consilio temperaris, nec pudore refrenaris, neque rationi subijceris. affectus es desiderabilis, experientia dulcis, iucunditate plenus, fruitione aeternus: satians & reficiens, numquam fastidium generans; vbi es, labor non est, sed sapor. teipso contentus es; donas libertatem, pellis timorem, laborem non sentis, meritum non respicis, praemium non requiris: dissimulas & exspectas, sustines delinquentem, eumq́ue benignè trahis, adducis, &⁺ conuerti facis ab errore viae eius. felix Amor, ex quo oritur strenuitas morum, puritas affectionum, subtilitas intellectuum, desideriorum sanctitas, operum charitas, virtutum faecunditas,⁺ meritorum dignitas, praemiorum sublimitas. Amor tuus Domine fons vitae est, nec viuere anima potest quae non hauserit ex illo, neque haurire potest nisi praesens fuerit ipsi fonti, scilicet tibi, Iesv Christe, qui es fons totius amoris.

+ August.

+ Idiot.

+ Bernard.

+ Idiot.

[p. 5]

L'Amour diuin.
II.

Dites-moy ce que c'est? qu'est-ce que l'on appelle?

Vn feu perpetuel, vne ardeur eternelle,
Vn voluntaire vol, vn l'arcin sans retour,
Vn aigle en ses regards, vn arc à blesser ames,
Vn ancre à les tenir, vn soleil plein de flames?
Le voulez vous sçauoir? c'est le diuin Amour.

Es sin duda que este amor,
Pues que se alexa del fuelo,
Deue ser amor del Cielo.

Des Hemels vier, Godts liefde zoet,
Ick ben't, die weldich leuen doet.