Een nieu liedt-boeck genaemt den druyven-tros der amoureusheyt

In hem begrijpende veelderhande amoureuse liedekens, te vooren in druck noyt uytgegaen

[p. 139]

Een ander,

Op de wijse soot begint, Op den naem Petrvs.

SChoon da- geraet //
Die als Aurora claer opgaet //
En alle duysterheyt verclaer- de //
V amoureus seedbaer gelaet //
Passeert seer wijt der maeg- den staet //
O alderschoonste Rosegaer- de! //
Ten leeft van aerde //
Soo wreeden man op aerderijck,
Die u soet by-zijn oyt beswaerde //
Dies ick u in mijn

[p. 140]

 

 

hert bewaerde //

 

Als eenen bruyt- schat weerdelick.

 

 

 

V weerdicheyt?

 

Drijft my tot meerder veerdicheyt,

 

Als t'quaet gespuys tempeestich dondert:

 

Den loon van mijn volherdicheyt,

 

Schat ick in sulcker eerdicheyt,

 

Al had' ick Iouis hof geplondert:

 

Gans wtgesondert,

 

Vermaert, boven wtlanders // wijn,

 

Zydy schoon lief: wt duysent hondert,

 

Dat het de goden selfs verwondert:

 

Hoe soudt oock connen anders // zijn.

 

R eden ist dan,

 

Dat ick u (als vroom edelman)

 

Bouen mijn eygen herte minne:

 

Deur u, ickt al verwinnen can,

 

Gelijck als Iason t'vlies gewan

 

By raet van zijn liefste vriendinne:

 

Als ick versinne,

 

Wat ghy my doet, naer wenschen // meest:

 

Soo dunct my dat een Cherubinne,

 

My voetstaens daelt ter herten inne,

 

De vreught begreep noyt menschen // geest.

 

T is sonder noot,

 

Dat ick in vreese vander doot,

 

Als Schaepken sonder herder dwale:

 

T'vertrouwen van dijn hulpe groot,

 

Veriaeght den angst van tegenstoot

 

Der helscher geesten t'eenemale:

 

Schoonste Omphale,

 

Geen tonge dy vollouen // sal:

 

Als ick der maeghden lof verhale,

 

En comen moet ten Principale,

 

Soo triumpheert ghy boven // al.

 

E n of ick stout

 

Als Midas conde wenschen gout,

 

Al wat ick my ter handen vouge:

[p. 141]

 

Ja dat elck Cederboom int wout

 

Peerlen, Robijnen, menichfout,

 

T'mijnen beliefste altijt drouge:

 

En dat ick slouge

 

(Deur een tempeest) u vander // hant

 

Waert niet al ydel wat ick iouge,

 

Naer dien ick my altijt vernouge

 

Met u, voor eenigh ander // pant?

 

P rincesse lief,

 

Troostbaerste mijnder herten grief,

 

Hier mede sluyt ick mijn missijue:

 

Hoe weerdich ick v oyt verhief,

 

Getuyght den laesten minnebrief,

 

Waer by, ick noch gestadich blijue:

 

Hoe veel ick schrijue,

 

Ten is noch maer een naecte // deucht,

 

Maer als ick come met den lijue,

 

Ghelijck een man tot zijnen wijue,

 

Soo werdet een volmaecte // vreught.

Doende leer-ick.