Een nieu liedt-boeck genaemt den druyven-tros der amoureusheyt
(1602)–Pieter Lenaerts van der Goes–In hem begrijpende veelderhande amoureuse liedekens, te vooren in druck noyt uytgegaen
Op de wijse, Blaest Oosten wint, Op den naem Neelken.![]()
NObel divijn //
Wesen sanguijn //
Prijs naer ge- dienstich poogen,
Deurluchtich fijn //
Als Chri- stalijn //
Rayen u
| |
[pagina 135]
| |
![]() Claer bruyn oo- gen,
Lichten als twee //
Sterren ter zee //
Die my mijn wee // verthoogen //
Ondancx ick moets gedoogen.
E del geset
Staet lijf // en ledt,
T'mach sulck een herte vromen:
Was Venus net,
Ghy meught u met
Veel meerder recht beromen:
Noyt en sach man
Volmaecter an,
Al watmen can genomen,
Ghy draeght in al t'volcomen.
E enigh gewin,
Die van t'begin,
Waert cause van versijcke,
Maer niet te min,
Herte en sin,
Prent u in mijn Chronijcke,
Tot veel gepijns,
Geen medecijns
En weet ick dijns // gelijcke,
Op geheel aerden-rijcke.
L even, en doot,
Vreught, wederstoot,
Staet in dijn welberaden:
Gelijck als broot
Bluscht hongers noot,
Condy mijns drucx versaden,
Dus welgemint,
| |
[pagina 136]
| |
Soethertich kint,
Weest my doch int // beschaden,
Een voorbeelt der genaden.
K ies' ick niet best
In dit arest,
Aflaet van mijn doleren,
Hier aengevest,
Volght een request,
Om u te remonstreren:
Den suppliant,
Versoect bystant,
Wilt metter hant // schriberen
Fiat, naer t'supplieren.
E en sterck bewijs
Van lof en prijs,
Sal u by dien gewerden:
Schoon ieughdich rijs,
Gestaen propijs,
Ick moet u naerder terden,
Waer my ontseyt
Dijn mogentheyt,
En gaeft afscheyt ten derden,
Noch soud' ick t'stuck volherden.
Prince.
N iet el schoon lief,
Heyscht desen brief,
By mijnder hant geschreven:
Doen ick besief,
Dat al mijn grief,
By u mocht zijn verdreven,
Heb ick mijn leet,
Voor u ontcleet,
Dus wilt gereet // doch geven,
T'behouden van mijn leven.
Doende leer-ick. |
|