Een nieu liedt-boeck genaemt den druyven-tros der amoureusheyt



[pagina 29]
Een ander,
Op de voorgaende wijse: Op den naem Cornelia. COR diael habile Zoete nobel fleur, Lieflicke gentile, Weert prijs, en honneur, Zedebaer volcomen soet, Sydy int wesen, Aldus by desen Sijt met groot ootmoet Hondert duysent mael gegroet. N iet en is op d'eerde Recht geestimeert, Daer u hooghste weerde Niet en presenteert: Hierom aengename Jeught, Zijt een verblijden Die zijn in lijden, Want by uwer deught, Menich edel hert verheught. E erbaer, en verheven, Zijn u zeden // al: Welhem, die zijn leven V besteden // sal: Niet wt eenen snooden // gront, Ghy angstigh duchten, Trueren, en suchten, Snellick dooden // cont, Duer dijn schoonen rooden // mont. L aet dan niet ontbreken V by zijn, te hans: Die zulcx wederspreken Slaen wy vanden dans, Als vileynen incorrect, Oyt my verveelde, Dat sulck een beelde In heusheyt perfect, Van qua tongen wert bevlect. I onge, schoon, vriendinne, hoogh geexalteert: Draeght doch vaste minne Hem, die troost begeert:
[pagina 30]
Van u wert niet el verwacht, Zoete sucade, By u genade, Hebdy t'onder-bracht Meer dan Hercules met cracht. Prince. A ls ick, O Princesse, Mercke u gelaet, Meerder gentilesse, Naer der maechden staet En heeft noyt herte verblijt: Niemant sal connen (Onder der sonnen) Spreken, t'geener tijt, Welcken lof ghy weerdich zijt. Doende leer-ick.