Een nieu liedt-boeck genaemt den druyven-tros der amoureusheyt


Een ander,
Op de wijse van Alemande Hauere, Op den naem Petrvs. SAl ick nu niet clagen // mijn swaer ongeluck // Hoe can t'hert verdragen // sulcken wreeden stuck // Als my nu wert aengedaen De welgeminde // Liefste gesinde // Die int hert mocht staen // Eylaes is my afgegaen.
[pagina 28]
V an mijn kintsche dagen, Heeft zy my verheucht: In mijn zins behagen Stont geen lieuer Jeught, Die my mocht verblijden gans, Lijf, goet, en leuen, Was haer gegeven, Maer zy gaet nochtans Met een ander aen den dans. R edelick ontfermen Heeft sy my ontseyt: Zuchten, ende kermen, Is my op geleyt, Als een die zijn liefste derft, Vande vercoren Schoonste geboren, Ben ick nu onterft Ay my! mijn ionck herte sterft. T ot mijns stervens ure, Claegh ick sulck verlies: Wt duysent de cuere Was sy mijn verkies, Die my nu dus wreet aensiet, Duer quade // becken, (Die schade // wecken) Coem ick int verdriet, Ick en weet de cause niet. E s behulp, en bate My dus ongereet: O doot, touft niet late, Stelpt mijn bitter leet, Geen secours en is voor my Lieuer te steruen, Dan haer te deruen, Want ter werelt vry Verhueght my niemant dan zy. Prince. Prince God der minnen, V is meest de schult: Want dijn soet beginnen, Is met leet vervult: Haer semblant heeft my verdooft: Voor vaste trouwe, Geeft zy my rouwe, Als mijn overhooft, Ken hadts nimmermeer gelooft. Doende leer-ick.