§ (161) Dat elfste bewijs vanden iaghen ende vlieghen. |
VEle luyden tsamen sprekende vander ouertallighe neersticheyt ya dwaesheyt der | [5] gheenre die honden ende vogelen voeden om te iaghen ende vliegen. seyde paulus een | florentijn dese waren voertijts seer begect ende bespot van een poorter van melanen ende | vertelde daer af dese fabule segghende Het was hier voermaels een poorter van | melanen der ontsinnigher ende dwaser medicijn. die aen nam te ghenesen binnen sekeren | benoemden tijden alle die ghene diemen hem aenbrochte die ontsinnich waren Die | [10].genesinge geschiede in deser manieren. want hi hadde in sijn huys enen vloer ende in | dien enen poel oft plasch van vuyle ende stinckende watere inden welcken hi bant naect | aenden staeck die gene die hem aldus onghesont aenbracht warden. die sommighe | totten knyeden. enige totter lendenen. ende andere noch diepere na dat si van deser siec | ten gequelt waren ende heeft die ghequelt metten water ende armoeden also langhe tot | [15] dat si gesont schenen te sine Onder dander es daer bracht ene die vanden meester totten | huepen toe int water geset wardt. die welcke na .xv. daghen begonste te genesen ende | den meester te bidden dat hi wten water comen mochte. die meester heuet hem geconsen | teert ende laten wandelen binnen den huyse op die condicie dat hi buyten die vterste dore niet | gaen en soude. hi heeft neerstelic onderdanich geweest des meesters beuele staende | [20] op enen tijt inde dore. want hi en dorste daer niet wtgaen mids vreesen vanden plassche | heeft hi gesien comen te peerde enen iongelinc met eenen hauick ende twe honden die- | men heet bracken. den welcken hi te hem waert riep zere beruert sijnde van dier nyeu | wicheyt want hij hadde al vergheten dat hij te voren ghesien hadde. Doen die | ionghelinck tot hem quam seyde hij totten ionghelinck Ick bidde v antwoert | [25] my op dat v belieuet op dat ghene dat ick v vraghen sal Wat es dat ghene daer |
Auteursrechtelijk beschermd