Dye hystorien ende fabulen van Esopus
(2013)–Gheraert Leeu–
Auteursrechtelijk beschermd
[Folio K2r]
| |
 NYemant en sal hem te seer voirtsetten oft behaechlijc bewijsen met andere | luyden haue oft goet ghelijck dese fabule ons leert vanden ezele ende van des | leeuwen velle dat die ezel aendede mer nemermeer en conste hijt alzo wel ghe | scicken men en sach sijn langhe ooren Eens als hi hem metten seluen velle wel | [5] meynde toe ghemaect hebbende ende na sijnder ghenoechten. so ghinc hi ten bossche | waert Ende als hem dander beesten ende wilde dieren siende warden. waren sij wt der | maten seer veruaert. meynende dathet eenen leeuwe geweest ware ende liepen wech. | Ende als des ezels meester den ezel dese wijle een langhe poose ghesocht hadde o- | uer al. dachte hij dat hijen woude gaen sueken inden bossche. ende daer comende vant | [10] hijen terstont ghecleet ende toeghemaect met des leeuwen velle zoot voirghe- | seyt is ende wert hem kennende aen sijn langhe ooren. Ende sprac hem toe aldus. | O ezel meester ghij bewijst v met allen groot met desen velle vanden leeuwe dat | ghi aenghetoghen hebt ende ghij veruaert alle dandere beesten mits dien dat sij v niet | zo wel en kennen als ick doe bij uwen langhen ooren. Ick beloue v ghij en sult | [15] niet meer een leeu wesen maer sult eewelijck een ezel bliuen Ende mettyen toech hi | hem het vel vanden leeu wt. ende sloechen alzoe met eenen grooten cluppele dat | hijs sijn leefdaghe lanck ghedencken mochte. Ende daeromme en sal hem nye- | mant te zeere breet maken met ander luden dinghen. Want gheleende cleede | ren. cleeden selden wel te passe | |
|