Dye hystorien ende fabulen van Esopus

§ (113) Die sestiende fabule welcke is vanden man ende van sinen tween wyuen die ons | laet weten Dat gheen dinck en is den man quader noch venijnder dan twijf. | [20] Ghelijck alst blijct by deser navolghender fabulen |

[fol. I5v]

HEt was een man die van middelbaer outheyt was Ende twee wiuen getrouwet | hadde Dats te weten een oude ende eene ionghe. welcke twee alle beyde te sa | men in sinen huyse woenende waren Ende want dat oude wijf sine liefte begerende was so | toechse hem wt alle die zwarte haeren wt sinen hoofde ende wt sinen baerde om dat hij | [5] haer so veel te bat gelijcken ende oec out schinen soude Ende dat ionghe wijf aen dander | side toech hem wt alle die witte haeren. op dat hi also te frischer ende te iongher soude | schinen Ende ouermits aldusdanighe manieren so bleef die goede man alheel kael. | Waer om dattet is een groote dwaesheyt den ouden mannen weder om te hylicken. want | hem lieden is veel beter weder om niet ghehuwelict te wesen dan te hebben in haren huy | [10] sen een wijf die quaet boos verkeert ende onvredelijcken is. diemer lacen veel vijnt | Want inden tyden als si rusten souden. soe stellen si hem seluen in pine ende in arbeyde |