Dye hystorien ende fabulen van Esopus

§ (94) Die vierthienste fabule die welcke is vanden wolf ende vanden vos reynaerdt | [5] die ons leert Dat nyemant en sal hem vermeten te vroech meester te wesen. hij en | hebbe ghenoech tijts discipel gheweest Ghelijck alsset blijct bi deser fabulen |

HEt was een vos die totten wolf quam hem segghende aldus Mijn lieue heer | scap. ic bidde v dat ghi mijn gheuader wesen wilt. ende wilt minen soen oeck | leeren ende onderwijsen dinghen daer hi hem mede behelpen sal moghen alst noot | [10] is Ende die wolf antwoerdede hem Ic wilt gheerne doen ende bins wel te vreden | Ende mettien soe gaf die vos hem sinen soon biddende dat hi hem goede leeringhe le | ren ende gheuen wilde Den welcken die wolf voer hem nam leydende hem op enen | hoghen berghe ende seyde tot hem Als die beesten te velde sullen comen soe roept mij | Ende die vos ghinck opten berch Ende als hi sach dat die beesten quamen soe riep hi | [15] met luder stemmen sinen peteren ende seyde tot hem Ha mijn lieue petere die beesten | gaen int velt Ende die wolf vraghede hem Wat beesten sijnt Ende die vos antwoer- | dede hem Het sijn koeyen ende verckens Ende die wolf seyde die en wil ic niet. want | die honden die bewarense wel Ende ter stont daer na so sach die vos wt tot een an | der side vanden berghe Siende dat die merye paerden te velde ghinghen Ende | [20] seyde tot sinen peteren aldus Ha mijn lieue peteren die meryen gaen int velt Ende | die wolf seyde Waer sijnse Ende dat cleyn vossekijn antwoerdede hem Si sijn al | daer bijden bossche Ende die wolf seyde Nu wel laet ons dan gaen onse mid- |

[fol. H1v]

dachmael eten Ende die wolf ghinck mit sinen peteren die hem ghegheuen was te| leeren int bosch Ende quamen daer die meryen ghinghen Dit siende die wolf so | werdt hij aldaer ghewaer enen ionghen voel gaende by sijnre moeder Den welc | ken hij greep byder nasen ende sleepten int bosch Ende si atent onder hem beyden | [5] Ende als si aldus wel ghegheten hadden soe seyde dat vossekijn tot sinen peteren | aldus Mijn lieue peteren. ick wil v gode beuelen Ende ic dancke v zeer van uwer | goeder leeringhen Ghi hebt mij wel gheleert want ic bin gheworden een groot | clerck Ick wil nv weder om gaen tot mijnre moeder Ende als die wolf dit hoor- | de soe seyde hy tot hem Mijn lieue neue. ist sake dat ghi van mij gaet het sal dy be | [10] rouwen. du en hebste noch niet wel ghestudeert. want ghi en kont noch niet uwe | Sylogismus. dats eenrehande leeringhe also gheheeten Ha mijn lieue petere | seyde die vos. ic kant alte mael Ende die wolf seyde tot hem Na dien dan dat ghi van | mij scheyden wilt soe wil ic v gode beuelen. mer siet wel toe ic duchte ghij alte | vroegh meester wilt wesen Ende als die vos reynaert tot sijnre moeder ghecomen | [15] was Soe seyde si tot hem. waer om bistu soe haest weder om ghecomen ghi en hebt | noch niet ghenoech ghestudeert Ende die soen seyde tot haer. Moeder ick bin soe | grooten clerck dat ic den duuel wt den scoorsteen wel werpen kan. laet ons gaen | iaghen ende dan sult ghi sien of ic oec yet gheleert hebbe Ende die ionghe vos wou | de doen als sijn peteren die wolf ghedaen hadde. ende sprac aldus tot sijnre moeder. | [20] Moeder hout wel die wachte Ende als die beesten te velde comen soe segghet mi | Ende die moeder antwoerdede hem. wel mijn soen Ende mettien soe begonste | si te wachten Ende als si sach dat die koeyen ende die verckens te velde ghinghen | Soe quam sijt hem segghen. mijn lieue zoen die koeyen ende die verckens comen te | velde Ende hi seyde haer. mijn lieue moeder. ic en achte des niet want die honden die | [25] bewarense wel Niet langhe daer na soe sach die moeder die merye paerden te | velde comen. Ende si seyde tot haren soen. Sone die merye paerden sijn bi dat | bossche Ende hi antwoerdede haer Moeder dat sijn goede tydinghe of nyeumaren | blijft ghi daer. ic sal ons gaen halen daer wij onse middachmaeltijden mede eten | sullen Ende mettien soe trat hi int bosch Ende wilde doen als sijn peteren die wolf te | [30] voren ghedaen hadde Ende nam eene merye byder nasen Ende die merye die clem | de hem vaste toe mit haren tanden Ende bracht hem daer die herderen vergadert waren. | Dit siende die moeder begonste seer luyde te crijten vanden berghe daer si op was | segghende aldus Helaes mijn lieue zoen du en hebste niet wel gheleert noch niet | lanck ghenoech aen die scole ghebleuen. waer om dat ghi iammerlijcken sult moe | [35] ten steruen Ende mettien soe namen hem die herderen ende doden. Want nyemant en sal | hem seluen heyten meester ten si dat hi eerst ghestudeert heeft ende alle sijn dinghen | weet die hem noot sijn Want die sommighe bywijlen waent te wesen een groot clerck | die nochtans niet veel en weet. mer zeer domme is ende onwetende. daer die phi | losoef of seyt. hoe een mensche meer weet hoe hem meer twiuelt Ende die niet en | [40] weet die en twiuelt niet. |