Dye hystorien ende fabulen van Esopus

[fol. G5r]

§ (92) Die twalefste fabule die welcke is vanden wolf ende vanden hont die verhonghert | was Die bewijst dat sommighe meynen grootelick ende veel te winnen ende verlaten | hem daer toe. mer het comt dicwijl tot groten verliese. want men seyt gemeynliken | dat meer verteert die karighe. dan die milde Ghelijck als dese fabule seyt |

[5] HEt was een rijc man die eenen groten hoop scapen hadde Ende dese selue man | hadde enen hont die hi oec hielt by die scapen om dat hijse vanden wolf ver | waren ende beschermen soude Mer hi en wilde in gheenre manieren den hont yet | teten gheuen ouermits die groote ghyericheyt die in hem was Ende hier om so ge | buerdet dat op een tijt die wolf totten hont quam. hem vraghende die redene waer | [10] om hi aldus ongheuallich ende magher gheworden was segghende tot hem Ick sie | wel dat ghij sterft van hongher om dat dy dijn meester ouermits sine groote ca- | richeyt niet teten en gheeft Mer in dien ghi my ghelouen wilt. ic sal dy gheuen | goeden raedt dat ghij wel gheuoedt werden sult Ende²¹³die hont antwoerdede hem | Voerwaer ic hebbe wel goeden raedt te doene Ende die wolf seyde tot hem Siet | [15] aldus suldy doen laet my nemen een lam. ende als ict ghenomen hebbe so veynst | v te loopen na my Ende al loopende soe laet dy seluen vallen. beueynsende dat | ghij niet meer loopen en moecht ouermits grooten hongher ende crancheyt | van lichaem die ghij hebt Ende daer om als die scaepherde sien sal dat ghij mij | dat lam niet ontnemen en moecht. soe sal hijt segghen dynen heer. hoe ende in | [20] wat manieren dat ghij dat lam niet te hulpe en hebt moghen comen ouermits | dat ghy verhonghert sijt Ende aldus by desen middel soe suldy teten ghecrijgen | ende werden versaedt Dit hoorende die hont was hier mede te vreden Ende | een yeghelijck van hem beyden dede sijn personnaige als voerscreuen is Ende als | die scaepherden saghen dat die hont ter neder opter aerden viel. soe vermoeden | [25] sij wel dattet van hongher was ende van crancheyt. waer om doe een vanden scaep | herden des auonts quam in sijns meesters huys. soe seyde hy hem hoe dattet | mitten hont ende mitten wolf gheuaren was Ende als die meester dat hoerde | soe sprack hij al toernich wesende. van scaemten vermaledijt moet hi sijn Ick | wil voerwaer dat hij voertaen hebbe alsoe veel broots ende soppen als hi eten | [30] mach Ende after die tijt soe maecte men hem alle daghe also veel broets ende soppe | als hi verslijnden mocht Ende dit aldus ghedaen sijnde soe begonste die hont weder | om te ghecrijghen sijne crachte ende sijn ghesontheyt Daer na soe ghebuerdet dat een | wijl tijts daer nae die selue wolf weder om totten hont quam hem segghende aldus | Ic verneme wel dat ic dy goeden raedt ghegheuen hebbe Ende die hont seyde hem | [35] Mijn lieue broeder. ick dancke dy daer af zeer. want het was mij wel van node Ende | doe seyde die wolf tot hem Ist dat sake dat ghi wilt. ick wil v noch gheuen beteren | raedt Ende die hont sprack tot hem Ick wilt zeer gaerne horen Ende in dien | dattet goet is soe wil ict doen Ende die wolf seyde hem Laet mij nemen noch | een lam Ende doe dijne naersticheyt omme my dat te nemen ende my te byten |

213 Er staat een verticaal streepje tussen sult en Ende.

[fol. G5v]

Ende ic sal dy dan werpen ter neder opter aerden die voeten om hooch als die gene die | cracht noch macht en heeft sonder dy quaet of letsel te doen Geloue mij vrijlijcken | Ende dy sal daer goet af comen Ende als die dienres oft herders uwe naersticheyt | gesien sullen hebben so sullen sijt uwen meester seggen. dat ghi sijn parck vanden sca | [5] pen wel bewaert ende goede naersticheyt gedaen hebt Ende die hont antwoerdede hem | dat hi des te vreden was Ende also si mit malcanderen ouerdraghen hadden so werdt | ghedaen. ende deden alle beyde goede diligency Die wolf nam tlam voer hem Ende die | hont liep na. hem geuende menighen slach mit sinen tanden Mer die wolf greep den | hont ende werp hem ter neder opter aerden Ende als die Scaepherden dit saghen seyden si | [10] tot malcanderen Voerwaer wij hebben enen goeden hont. wij moetent onsen mees | ter segghen. Ende als si thuys gecomen waren soe seyden sijt haren meester. hoe ende | in wat manieren dat die hont den wolf²¹⁴ ter neder opter aerden gheworpen hadde. | Ende seyden. voerwaer hadt sake gheweest dat onse hont altijt wel gheuoedt ghe- | weest hadde. die wolf en soude onse lammeren niet wech ghedraghen hebben. Dit | [15] hoorende die heer beual ter stont datmen den hont ouervloedelijcken teten geuen | soude Waer af dat die hont weder om sine crachten creech ende sterck werdt Ende | een weynich tijts daer na soe quam die wolf weder om totten hont. hem segghende | aldus Mijn lieue broeder En hebbe ic dy niet ghegheuen goeden raedt Ende die hont | antwoerdede hem Voerwaer broeder Ia ghij. waer af dat ic dy zeer dancke Ende die | [20] wolf seyde hem Ic bidde mijn lieue broeder dat ghi mij noch een lam geuen wilt | Voerwaer geseyt broeder dat en wil ic niet doen. het is ghenoech dat ghyer twee | gehadt hebt Ende doe seyde hem die wolf Ic bidde v dat icker noch een hebben mach | voer mijn loon ende salarijs Seker broeder ic en sal sprac die hont En hebdy niet ge | hadt goet loon nadien dat ghij twee lammeren wt mijns meesters hoop ghegeten | [25] hebt Ende die wolf seyde Mijn lieue broeder gheefter mi noch een in dient v belieft | Ende die hont antwoerdede hem Neen ic niet Ic en wils noch en sals niet doen Ende | ist sake dat ghijse vermetelijcken neemt. soe beloue ic v dat ghi achter desen tijt nem- | mermeer lammeren eten en sult Ende dit horende die wolf seyde tot hem Helas | mijn lieue broeder Ic sterue van hongher raedt mi ten besten om gods wille. hoe ende in | [30] wat manieren ic doen sal Ende die hont seyde tot hem Ic sal dy wel raden Die muer van | mijns meesters kelder is om gheuallen Comt aen desen nacht ende gater inne ende | eet ende drincket wel na dijnre belieften. want ghij sult daer vijnden broot vleysch ende | wijn in groter oueruloedicheyt Ende die wolf seyde hem Helas mijn lieue broeder. | wilt my doch niet ontdecken noch melden des biddic v Ende die hont antwoerdede | [35] hem Ic salt gaerne doen Mer siet dat ghij v dinghen alsoe heymelijcken doet dat | nyemant van mijn medeghesellen daer yet af wete Ende die wolf quam des nachts | ende ghinc inden kelder ende at ende dranck na zijnre belieften in sulcker manieren dat hi | droncken wert Ende als hij droncken geworden was soe begonste hi te segghen in hem | seluen aldus Als die boeren sat ende droncken sijn so beghinnen si te singen haer liedekens | [40] ende waer om en soude ic dan oec niet singen Ende mettien soe begonste hi oec te singhen ende |

214 die hont den wolf lees: die wolf den hont.

[fol. G6r]

te huylen also als dat de honden dat hoerden die welc begonsten te roepen ende te bassen Ende | die dienres die dat hoerden seyden tot malcanderen Het is de wolf die in onsen kelder | gecomen es ende mettien liepen si allegader derwaert. te weten inden kelder ende sloeghen hem | doot Ende daer om ist datmen gemeynlijcken seyt. dat veel meer verteert die karige dan | [5] die milde. want gherechte ghyericheyt en was noyt goet Want vele menschen die | en deruen van haer goet noch eten noch drincken Ende nochtans salment goet dat god | verleent heeft eerlijcken ende redelijcken gebruycken Dese fabule bewijst ons oeck dat | nyemant tegens sijnre natueren yet doen ofte hantyeren sal Ghelijck die wolf dede | die hem seluen droncken dranck Ouermits welcke sake hi doot geslaghen wort. |