Dye hystorien ende fabulen van Esopus

§ (76) Die sestiende fabule is vanden Camele ende van die vloo die ons leert Dat die | [20] ghene die noch machte noch crachte en heeft en sal hem seluen niet verheffen | Ghelijck als ghij sien moghet bij deser fabulen |

[fol. E5r]

HEt was een Cameel die eenen swaren last draghende was Het ghebuer- | de dat eene vloo onder thaer vanden Cameel op sinen rugghe scuylende | was ende liet haer draghen vanden cameel tot sauons inder herberghen. Ende | als si eenen grooten ende langhen wech ghewandert hadden Ende dat die Ca- | [5] meel inder herberghen des auonts quam in die stal. soe clam die vloo byden Ca- | meel neder inder aerden tot hem segghende aldus Ic hebbe medelyden met v | ghehadt ende ben neder gheclommen op dat ic dy niet verswaren en wil dat ghi | my langher draghen soudet Ende die cameel antwoerdede haer Ick dancke dy | zeer daer af hoe wel nochtans ick ouermits dy niet bezwaert noch beladen en | [10] ben Ende daer om die ghene die noch baten noch scaden en mach en derf hem sel | uen niet zeer verheffen oft wel laten dancken |