Dye hystorien ende fabulen van Esopus

§ Hier beghint die prefacye van tander boec der fabulen vanden wijsen ende notabilen Esopus |

ALle fabulen sijn gheuonden om die menschen te leeren ende te wijsen wat din- | ghen si doen of laten sullen. want also veel is te segghen fabulen in poetryen | [20] als parolles of parabolen in theologyen Ende daer om so wil ic scriuen fabulen om | te leeren ende te bewijsen die manyeren ende die costumen der goeder menschen. want | die wet is gheset voer die misdadighe. want die goede menschen ende die rechtueer | dighe onder die wet niet gheset en sijn. alsoe wi lesen van die van Athenen die daer | leefden alleen na die wet der natueren ende waren in vryheyt Mer ouermits haer | [25] eyghen wil soe begheerden si te hebben enen Coninck daer si die wisdadighe¹⁷⁴ ende | quade mede pinighen ende bedwinghen mochten Ende want si van manieren hadden | niet ghecorigeert noch bedwonghen te wesen. soe wast. dat alsoe gheringhe als | daer yemant wert ghecorigeert. soe waren si dan verstoort ende tonvreden Als ha | re nyeuwe ghecroende Coninck iusticie dede Ende want si noyt onder bedwanck | [30] gheweest en hadden. so wast hem luyden een groot last bedwonghen ende eyghen te | sine. waer om dat si zeer rouwich ende tonvreden waren om dat si begheert hadden | enen Coninck Teghens die welcke Ezopus vertelt eene aldusdanighe fabule | Die welcke van dit ander boeck die eerste is Ende is dese |

174 wisdadighe lees: misdadighe.